Nola saihestu malwarea edo iruzurrak1. Nola saihestu malwarea?
Aurreko gaietan ikusi dugun moduan, malwarea edo software gaiztoa da sareko mehatxu nagusietako bat gure informatikako ekipoentzat eta gure datu pertsonalen segurtasunerako.
Prebentzioa da horrelako erasoen aurkako antidotorik onena. Izan ere, behin kutsatu ondoren, baliteke gure ordenagailuan kalte konponezinak gertatu izana.
Kasu gehienetan, irtenbideren bat egoten da kutsatutako ekipoak konpontzeko eta jatorrizko egoerara itzultzeko, baina daturik sentikorrenak ongi zainduta izatea komeni da beti eta, ahal bada, nolabaiteko segurtasun-kopia batekin.
Programa informatiko gaiztoak gure sistemetara sartu ez daitezen, ez da beharrezkoa informatikaren gaineko ezagutza handiak izatea. Egiaz, programa mota horiek nola instalatzen diren jakitea eta edozein pertsonaren eskura dauden segurtasun-neurri sinple batzuk betetzea da garrantzitsuena.
Sareko segurtasunaren zentzumena zorrozten dugunean, oso zaila da malwareren bat sartzea. Izan ere, gogoratu kasurik gehienetan guk geuk irekitzen diegula atea programa mota horiei, ohartu gabe.
