Ikastaroa: Kudeatu zaitez Google aplikazioekin

Informazio orokorra

Kudeatu zaitez Google aplikazioekin

Ikastaro honetan, Googleren aplikazioak ezagutuko dituzu; hau da, beste erabiltzaileekin errazago komunikatzen eta lankidetzan aritzen laguntzen dizuten tresnen multzoa. Aplikazio hauek ikusiko dituzu: Gmail posta elektronikoa, Google Maps mapa-zerbitzua, YouTube bideo-webgunea eta Google Drive web-utilitatea.

Informazio gehiago Eman izena!

Ikastaroaren metodologia

Ikastaro hau bi bloketan banatuta dago:

Bloke teorikoa

Ikastaroa arrakastaz amaitzeko eduki teorikoa eta errepaso-ariketak aurki ditzakezun gaiak.

Bloke praktikoa

Ariketa praktikoak, ikastaroaren edukia bukatutakoan, ikasitakoa egiaztatu eta finkatzeko.

Irakasgaia behar bezala ulertzeko material didaktiko teorikoa.

Errepasatzeko ariketak, hala eskatzen duen irakasgai bakoitzaren amaieran.

Ariketa praktikoak.

Googleren aplikazioak

Gai honetan, Googleren aplikazioak zer diren jakiteko azalpen labur bat ikus dezakegu.Googleren produktu nagusia bere bilatzailea da, baina ohartuko gara aplikazio gehiago ere badituela. Google-kontua sortzen ikasiko dugu, pausoz pauso; eta bertara nola sartzen den ere ikusiko dugu.

Zer dira Googleren aplikazioak? Liburua

Gmail

Gmail Googlek ematen duen posta elektronikoko doako zerbitzua da. Gai honetan, haren funtzio nagusiak ezagutuko ditugu; hala nola, mezu elektronikoak nola bidali eta jasotzen diren eta mezuak nola antolatzen eta ezabatzen diren. Mezuak nola aurkitu ikusiko dugu, eta Googleko kontaktuak nola kudeatzen diren ere ikasiko dugu.

Posta elektronikoa Liburua

Google Drive

Google Drive Googleren doako zerbitzu bat da, fitxategiak online gorde, sortu, kargatu eta partekatzeko balio duena eta taldean lan egiteko aukera ematen duena. Dauzkan funtzio nagusiak ezagutuko ditugu: fitxategiak sortu, kargatu, editatu eta ezabatzea. Horrez gain, fitxategiak edo karpetak partekatu eta deskargatzen ikasiko dugu. Zerbitzuak zer abantaila eskaintzen dituen ere ikusiko dugu.

Hodeiko biltegiratzea Liburua

Google Maps

Google Maps mapen web-plataforma bat da, aukera ematen diguna toki interesgarriak esploratzeko eta munduko edozein lekutako helbideak aurkitzeko. Eskaintzen dituen zerbitzu nagusiak ezagutuko ditugu, hala nola tokiak bilatzea, mapan barrena nabigatzea, ibilbideak kalkulatzea, ibilbideak partekatzea... Toki interesgarriak gordetzen eta zerrendetan antolatzen ere ikasiko dugu.

Mapak Liburua

Youtube

YouTube bideoak partekatzeko doako zerbitzu bat da. Gure kanala sortzen ikasiko dugu. Dauzkan funtzio nagusiak ezagutuko ditugu: gustuko ditugun bideoak nola bilatu eta ikusten diren. Eta, horrez gain, bideo-aukerak ezagutu eta bideoak nola baloratu eta komentatzen diren ikusiko dugu. Erreprodukzio-zerrendak sortzen ere ikasiko dugu.

Bideoak Liburua

Praktikak egiten hasi!

Bloke teorikoa amaitu ondoren, ikasitakoa egiaztatu eta finkatzeko prestatu ditugun ariketa praktiko batzuk egiteko ordua da.

Ikastaroan izena eman ez baduzu, ezingo dituzu ariketak egin. Zeren zain zaude? Ikastaro honetarako hurrengo datak bilatu eta eman izena.
Bilatu

Hasi aurretik, praktikak egiteko jarraibideak irakurri behar dituzu. Horretarako, "Markatu egindako gisa" botoian klik egin behar duzu. Has gaitezen!