BEZEROARI ZUZENDUTAKO LAGUNTZA

1. Bezeroari Zuzendutako Laguntza

1.2. Laguntza tiketak | Gorabeherak

Gorabeherak argitzeko, “Help Desk” izeneko batekin lan egin beharra dago. Bezeroen informazioa datu-base batean gordetzen duen, elkarrekintzen jarraipena egiten duen eta arazoak konpontzeko prozesua tiket-sistema bidez automatizaten duen softwarea da.

Telefono, web-formulario, posta elektroniko edo beste bitartekoren baten bidez norbait zerbitzu teknikoarekin harremanetan jartzen denean, sistemak gorabehera horrekin tiketa sortzen du. Bezeroaren zerbitzuko teknikariek erregistratzen dituzte arazoaren edo gorabeheraren inguruko xehetasunak, edo bezeroak esandakoa berrikusten dute. Azkenik, gorabehera konpondutakoan tiketa itxi edo beste maila bateko espezialistarengana bideratzen da.

Tiketak bezeroen profilei lotuta daude eta bezeroaren kontaktuko eta erosketen eta elkarrekintzen historialaren inguruko informazioa jasotzen dute.


FRESHDESK

Tresna honek bezeroen elkarrizketa guztiak zentralizatutako interfaze batean biltzen ditu. Horren bidez, euskarria ematen duten agenteek tiketak modu eragingarrian landu eta konpon ditzakete.

Elkarrekintza telefonoz, posta elektronikoz, txatez, webgunetik edo sare sozialetatik (Facebook eta Twitter) eginda ere, tresna horren bidez berma daiteke bezeroaren gorabeherak dagokion euskarriko kidearengana iristen direla.

Erabat hodeian oinarritutako tresna da; hala, gorabehera mailakatzeko prozedurak, taldeak eta laneko fluxuak administra daitezke. Produktu eta marka ugarirekin da bateragarria eta, gainera, hizkuntza eta ordu-zona ugari biltzen ditu.

Horrez gain, Freshdeskek bezeroarengana zuzendutako funtzioak eskaintzen ditu: autozerbitzuko ataria, ezagutzen basea eta hainbat foro bezeroek beren tiketen egoera ikus dezaten, irtenbideak online topa ditzaten eta ideiak partekatu edo balora ditzaten.

21 eguneko doako proba eskaintzen du gaur egun. Beste tresna batzuetan integra daiteke; Slacken, adibidez.

Freshdesk