Ikastaroa: Zibersegurtasuna eta pribatutasuna sarean

Informazio orokorra

Zibersegurtasuna eta pribatutasuna sarean

Ezagutu sarean topa ditzakezun askotariko mehatxu eta arrisku motak, malwarea eta iruzurrak prebenitzeko hainbat gomendio aplikatuta. Ezagutu zure gailuak seguru mantentzeko tresnak eta teknikak, eta ikasi zer pribatutasun-eskubide dituzun sarean, Interneten seguru eta lasai nabigatzeko

Informazio gehiago Eman izena!

Ikastaroaren metodologia

Ikastaro hau hainbat irakasgairen bitartez osatua dago, horietan ikastaroari modu egokian amaiera emateko behar den edukia aurki dezakezu.

Irakasgaia behar bezala ulertzeko material didaktiko teorikoa.

Hezitzaileek gidatutako ariketak, hala eskatzen duten gaietan.

Sareko mehatxuak

Sarean topa ditzakezun askotariko mehatxuak eta arriskuak ezagutuko dituzu gai honetan zehar, hala nola hainbat motatako malwareak, phishinga, ziberjazarpena... Era berean, zure ekipoetan erasoak eta infekzioak nola hauteman ditzakezun ikasiko duzu, eta arazo horiek saihesteko gomendio txiki batzuk eta horiek konpontzeko tresnak izango dituzu eskura.

Sareko mehatxuak Liburua

Segurtasun gomendioak

Malwarea eta sareko iruzurrak prebenitzeko hainbat segurtasun-gomendio ikasiko dituzu gai honetan zehar. Arazo posibleak nola hauteman, horiei nola aurre egin eta modu praktikoan eta errazean nola konpondu ikasiko duzu.

Nola saihestu malwarea edo iruzurrak? Liburua

Segurtasun-tresnak eta -neurriak

Gai honetan, zure gailuak babesten lagunduko dizuten hainbat segurtasun-tresna ezagutuko dituzu; tresna horiek non eskuratu, nola instalatu eta eraginkortasunez erabiltzen ikasiko duzu, Interneten nabigatzen duzun bitartean seguru egoteko.

Nola babestu zure gailuak? Liburua

Sareko pribatutasuna

Gai honetan, Sareko pribatutasun-eskubideak, guztionak, eta bete beharreko betebeharrak ikasiko dituzu; hori guztia indarrean dagoen legeria betez: DBLOa. Halaber, sare sozialak erabiltzean dauden arriskuak aztertuko ditugu, baita sare horien pribatutasunari eusteko eta haien erabilera segurua egiteko segurtasun-gomendio batzuk ere.