Sarrera1. Sarrera
Teknologia izugarrizko bilakaera izaten ari da eta gure bizitzako gero eta arlo gehiagotara ari da heltzen.
Aurki dezakegun adibide argietako bat telefono mugikorra da; lehen deitzeko eta deiak jasotzeko soilik balio zuen gailua oso tresna osatua da egun eta, besteak beste, mezu elektronikoak jaso, argazkiak atera, gauzak erosi eta musika entzun dezakegu bertatik.
Korrika egiteko edo oinez ibiltzeko erabiltzen genituen walkman handi eta pisutsuak, CD irakurgailuak eta MP3ak alde batera geratu dira smartphonekin, arinagoak eta eramangarriagoak baitira.
Ikastaro honetan merkatuan aurki ditzakegun musikarekin lotutako gailu mugikorrerako aplikazioei jarriko diegu arreta. Aplikazio batzuek abestiak identifikatzeko balio dute, beste batzuek musika streaming bidez entzuteko eta musika erosteko batzuk ere ikusiko ditugu.