Erosi modu seguruan1. Erosketa seguruetarako webguneak eta plataforma
Gaur egun, Internet bidez edozein produktu, hegaldi, bideojoko, harpidetza, sarrera eta abar eros dezakegu. Internet bidez erostea esperientzia segurua izan daiteke, betiere neurri egokiak hartzen baditugu, beti baitago iruzurretan erortzeko arriskua. Honako hauek dira iruzurrik ohikoenak:
- Datu pertsonalen lapurreta.
- Galera ekonomikoak.
- Baldintza txarretan dauden artikuluak edo faltsifikazioak bidaltzea.
Horregatik, adi egon eta gomendio hauek jarraitu beharko ditugu:
- Ziurtatu orrialdearen URLa honekin hasten dela: "https://".
- Egiaztatu ordainketarako metodo seguruak (txartela, banketxearen ordainketa-pasarela, bitartekarien zerbitzuak –PayPal, Bizum, Apple Pay edo Google Pay, adibidez–).
- Egiaztatu beste erabiltzaile batzuek egindako iruzkinak eta balorazioa.
- Alderatu prezioak beste webgune batzuekin, eta ez fidatu erakargarriegiak diren eskaintzez.
- Egiaztatu enpesaren informazioa eskainitako zerbitzuekin bat datorrela.
- Bidalketako eta itzulketetako politikek ikusgai egon behar dute.
- Konfiantza-zigiluak (onlineko konfiantza, AENOR bermea, TRUSTED SHOPS eta abar) ez dira derrigorrezkoak, baina askoz ere komenigarriagoa da halakoak izatea.
- Gure datuak betetzean, beharrezko datuak bakarrik bete.